«ÁJIJ» («Ámeliy jámáátlik izleniwshilik joybarlar») strategiyası — studentlerdi ámeliy máselelerdi birgelikte sheshiwge, maǵlıwmat izlewge, ideyalar usınıwǵa hám toparlıq joybarlardı islep shıǵıwǵa baǵdarlaytuǵın pedagogikalıq texnologiya. Bul strategiyada studentler tek tayın bilimlerdi ózlestiriwshi emes, al mashqalanı anıqlaw, óz betinshe izleniw, pikir almasıw, sheshimler tabıw hám óz jumısınıń nátiyjesin usınıw procesine belsene qatnasıwshı bolıp esaplanadı.
Maqset
Studentlerdiń mashqalalı pikirlew, dóretiwshilik, toparlıq birge islesiw, analizlew hám joybarlaw kónlikpelerin rawajlandırıw.
Ótkeriw basqıshları
- 1«ÁJIJ» strategiyasınıń basqıshları:
- 21. Maǵlıwmat beriw — oqıtıwshı strategiyanıń mazmunın túsindirip, mashqalanı belgileydi.
- 32. Toparlarǵa bóliw — studentler kishi toparlarǵa biriktiriledi.
- 43. Tapsırmanı belgilew — hárbir toparǵa tema boyınsha wazıypalar beriledi.
- 54. Rejelestiriw — tapsırmalardı orınlaw rejesi hám waqıtı belgilenedi.
- 65. «Aqılıy hújim» — studentler ideyalar usınıp, olardı talqılaydı.
- 76. Maǵlıwmat jıynaw hám izleniw — temaǵa tiyisli teoriyalıq hám ámeliy maǵlıwmatlar toplanadı.
- 87. Joybardı tayarlaw — jıynalǵan maǵlıwmatlar tiykarında joybar dúziledi.
- 98. Nátiyjelerdi usınıw — hárbir topar óz joybarın kórsetedi.
- 109. Talqılaw hám bahalaw — joybarlar analizlenip, pikirler hám usınıslar bildiriledi.
- 1110. Refleksiya — studentler óz jumısların bahalap, erisilgen nátiyjeler hám kemshiliklerdi anıqlaydı.