Oqıtıwshı ushın túsindirme
Qaraqalpaq tilindegi sóz shaqapların oqıtıw processinde video roliklerden paydalanıw maqsetke muwapıq. Video rolikti kórip bolǵannan keyin studentlerge onda ushırasqan insaniylıq paziyletlerge baylanıslı sózlerdi anıqlap, olardı tiyisli sóz shaqaplarına (atlıq, kelbetlik, feyil, ráwish, sanlıq, almasıq) ajıratıp jazıw tapsırması beriledi. Bul tapsırma teoriyalıq bilimdi ámeliy qollanıwǵa, sóz shaqapların durıs ajıratıw kónlikpesin qáliplestiriwge hám studentlerdiń leksikalıq oy-órisin keńeytiwge járdem beredi.
Qosımsha kórsetpeler
Video rolikti qaraqalpaq tilindegi sóz shaqapların oqıtıw temasında paydalansańız boladı.
Tapsırma
Orınlanatuǵın tapsırmalar: Video rolikten insaniylıq paziyletlerge baylanıslı keminde 10 sózdi jazıp alıń. Jazıp alǵan sózlerdi atlıq, kelbetlik, feyil, ráwish, sanlıq hám almasıq sóz shaqaplarına ajıratıń. Hár bir sózdi qollanıp, gáp dúziń. Video roliktiń tiykarǵı ideyasın 1 gáp penen bayan etiń. Rolikte qaysı insaniylıq paziylet kóbirek kórsetilgenin aytıp, pikirińizdi dálilleń.