Qaraqalpaq tilinde dawıslı seslerdiń tildiń jazıq jaǵdayına qaray bóliniwi.
Bul súwretli tapsırma qaraqalpaq tilindegi dawıslı seslerdiń tildiń jazıq jaǵdayına qaray juwan hám jińishke bolıp bóliniwin túsindiriw hám bekkemlew maqsetinde dúzilgen. Tapsırmanı orınlaw barısında studentler (oqıwshılar) infografikanı baqlap, juwan (a, o, u, ı) hám jińishke (á, e, i, ó, ú) dawıslılardı ajıratadı, olardıń qollanılıw ózgesheliklerin mısallar arqalı anıqlaydı hám teoriyalıq bilimlerin ámelde qollanadı.
Tapsırma
Juwan hám jińishke dawıslı sesler qatnasqan sózlerden mısallar jazıń.
Oqıtıwshı ushın túsindirme
Oqıtıwshı sabaq basında tildiń artikulyaciyalıq jaǵdayı haqqında qısqa túsinik beredi. Keyin studentler jeke, juplıq yamasa toparlıq túrde tapsırmalardı orınlaydı. Tapsırma juwmaǵında juwaplar talqılanıp, qátelikler birgelikte dúzetiledi hám qosımsha sózler menen tema bekkemlenedi. Bul tapsırma studentlerdiń fonetikalıq bilimlerin bekkemlewge, salıstırıw hám tallaw qábiletlerin, sonday-aq durıs oqıw, aytıw hám jazıw kónlikpelerin rawajlandırıwǵa járdem beredi.