Qaraqalpaq xalıq naqıl-maqalı
Súwretli tapsırmalardı orınlaw barısında qaraqalpaq xalıq naqıl-maqallarınan orınlı paydalanıw studentlerdiń (oqıwshılardıń) sóz baylıǵın keńeytiwge, awızeki hám jazba sóylew qábiletin jetilistiriwge, sonıń menen birge logikalıq hám sın pikirlew dárejesin rawajlandırıwǵa járdem beredi. Kórkem shıǵarmalardan mısallar menen islew arqalı olar naqıl-maqallardıń qollanılıw ózgesheliklerin túsinedi, olardıń mazmunın kontekstte talqılaydı hám shıǵarmanı tereńirek ózlestiredi. Bul tapsırmalar til materialın ámeliy qollanıw menen bir qatarda, milliy mádeniy miyrastı qádirlew hám kommunikativ kompetenciyanı rawajlandırıwǵa da xızmet etedi.
Tapsırma
Súwrettegi naqıl-maqaldı tabıń hám auditoriyada awızbirshilik paziyleti haqqında sáwbetlesiń.
Oqıtıwshı ushın túsindirme
Awızbirshilik – bul adamlardıń bir-birin qollap-quwatlawı, ortaq maqset jolında kelisim menen is alıp barıwı hám ózara sıylasıqqa tiykarlanǵan ádep-ikramlıq pazıyleti. Awızbirshilik bar jerde is alǵa jıljıydı, qıyınshılıqlar jeńilirek jeńip ótiledi, al jámáát arasında isenim menen tınıshlıq payda boladı. Qaraqalpaq xalıq pedagogikasında awızbirshilik joqarı bahalanǵan qádiriyatlardan biri esaplanadı. Xalıq naqıl-maqalları arqalı jas áwlad bir-birin sıylawǵa, birgelikte miynet etiwge hám bir maqsetke umtılıwǵa tárbiyalanadı. Mısalı, «Awızbirshilik bar jerde – bereke bar» degen dana sóz awızbirshiliktiń jámiyet rawajı ushın áhmiyetin ayqın kórsetedi.